|
|
Idineklara ng Pangulong Aquino na special
non-working day ang Hunyo 21 sa Lungsod ng Tagaytay dahil sa ika-75 Araw ng
Tagaytay |
|
|
Idineklara ng Pangulong Benigno S. Aquino III ang Hunyo
21, natapat sa araw ng Biyernes, bilang special non-working day sa Lungsod
ng Tagaytay sa lalawigan ng Cavite upang ipag-diwang ang ika-75 Araw ng
Tagaytay.
Inilagda ng Pangulo ang deklarasyon sa pamamagitan ng Proklamasyon 601 na
nilagdaan ni Kalihim Tagapagpaganap Paquito N. Ochoa, Jr. noong Hunyo 14
upang bigyan ng lahat ng pagkakataon ang mga mamamayan ng Tagaytay na
malahukan at masaksihan ang mga seremonya at programang kaugnay ng
pagdiriwang ng anibersaryo ng kanilang lungsod.
Naging isang chartered city ang Tagaytay sa pamamagitan ng Batas ng
Commonwealth Blg. 338 na nilagdaan ng Pangulong Manuel Luis Quezon noong
Hunyo 21, 1938,
Ang lungsod na ito na nasa isang panig ng bulubunduking lupaing nasa gilid
ng Lawa ng Taal na sa gitna ay matatagpuan ang Bulkang Taal at may
mahalumigmig na klimang nahahalintulad sa Lungsod ng Baguio at isa sa mga
dinarayo ng maraming turista, Pilipino o mga dayuhan man. PND (js/zaf) |
TOP |
|
|
Hinimok ng Malacanang na magharap ng sakdal ang mga
biktima ng sex-for-repatriation umano |
|
|
Hinimok ng Malacanang na lumantad at magharap ng kaso
ang mga overseas Filipino workers na biktima umano ng sex-for-repatriation
scam sa Embahadang Pilipino sa Kuwait para magawa ng maykapangyarihan ang
karampatang hakbang tungkol sa iskandalong ito.
Sa pulong-balitaan sa Malacanang Martes. sinabi ni Deputy Presidential
Spokesperson Abigail Valte na inatasan na ng Kagawaran ng Ugnayang Panlabas
ang Puno ng Embahada sa Kuwait na gawin ang karampatang hakbang tungkol sa
iskandalong ito.
“Gumawa na ng hakbang ang Kagawaran ng Ugnayang Panlabas. Inatasan na ang
Puno ng Embahada sa Kuwait na gawin ang kailangang hakbang tungkol dito,”
paliwanag ni Valte.
“Hanggang sa sandaling ito, wala pa kaming natatanggap na pormal na sumbong
mula sa mga umano ay biktima kaya nga hinihimok namin ang mga may nalalaman
tungkol dito o ang mga naging biktima ng umano ay tiwaling gawaing ito na
lumantad at magharap ng sumbong para magawa ang nararapat gawin,” wika ni
Valte.
Nabalita ang tungkol sa umano ay sex-for-repatriation na ginagawa ng mga
pinuno at tauhan ng Embahadang Pilipino sa Kuwait nang isang hindi
nagpakilalang babaing OFW na kasama umano sa 46 ipinatatapong babaing
katulong buhat sa Kuwaiti Deportation Center ang nag-bunyag na isang “pinuno
ng embahada” ang umano ay nagsabing para madali ang pagpa-pauwi sa kanila ay
pumayag sila sa pakikipagtalik (sex favour). PND (rck/zaf) |
TOP |
|
|
Pinulong ng Pangulong Aquino ang Gabinete para
tayahin ang midterm performance ng gobyerno |
|
|
Pinulong ng Pangulong Benigno S. Aquino III ang mga
kagawad ng kanyang Gabinete upang tayahin ang mga nagawa na ng kanyang
administrasyon at kung ano pa ang mga dapat gawin upang magpatuloy ang
sterling economic performance ng bansa ngayong magtatapos na ang pangatlong
taon ng termino niya, yon kay Cabinet Secretary Jose Rene Almendras Martes.
Sa pulong-balitaan sa Malacanang, binigyang diin ni Almendras na pinulong ng
Pangulo ang kanyang Opisyal na Pamilya Lunes (Hunyo 17) upang “gawin ang
midterm review ng kalagayang pang-ekonomya ng Republika ng Pilipinas.”
“Iniutos ng Pangulo na habang nalalapit kami sa kalagitnaan ng termino niya,
ibig niyang maging masusi at puspusanang pagsusuri sa nakalipas na tatlong
taon, lalo na sa mga bagay na may kinalaman sa ekonomya,” paliwanag ni
Almendras.
“Sinimulan namin ito sa pagtitipon ng data, mga pagsusuring ginawa ng
National Economic Development Authority (NEDA) at noong Pebrero ay inasikaso
namin ang review/planning mode,” dagdag pa ng Kalihim ng Gabinete.
Kahapon ginanap ang unang pakikipagpulong nila sa Pangulo upang talakayin at
iulat sa kanya ang mga natuklasan namin sa mga pagsusuring ginawa at nang
mapasimulan ang talakayan kung paano tayo kikilos nang pasulong mula rito at
hanggang sa pagtatapos sa 2016,” dagdag pa ni Almendras.
Idinugtong niya na dumalo rito ang economic cluster at ang ilang kagawad ng
human development cluster, gayundin ang security cluster na tuwirang may
kaugnayan sa mga bagay na ukol sa ekonomya.
“Marami kaming dapat pag-usapan. Labing-isang ahensiya ang kailangannating
suriin at pag-pisanin ang ilan sa mga programa na pinag-uusapan buhat dito
hanggang sa hinaharap,” wika pa ni Almendras. PND (rck/zaf) |
TOP |
|
|
Itinalaga ng Pangulong aAquino si Padilla na
pangulo at ceo ng PhilHealth at humirang ng iba pang pinuno ng iba-ibang
ahensiya ng pamahalaan |
|
|
Itinalaga ng Pangulong Benigno S. Aquino III ang
abogadong si Alexander Padilla bilang pangulo at chief executive officer ng
Philippine Health Insurance Corporation (PhilHealth), kasabay ng paghirang
ng iba pang pinuno sa iba-ibang tanggapan ng pamahalaan.
Ito ang inihayag ni Deputy Presidential Spokesperson Abigail Valte sa
pulong-balitaan sa Malacanang Martes. Idinugtong niya na ipinaalamni Kalihim
Tagapagpaganap Paquito N. Ochoa, Jr. kay Kalihim Enrique Ona ng Kalusugan
ang pagkahirang ng Pangulo kay Padilla bilang isa sa mga direktor ng
PhilHealth kapalit ni Eduardo P. Banzon.
Si Padilla ay punong negosyador sa usapan sa Communist Party of the
Philippines/New Peoples Army/National Democratic Front ng Pilipinas. Anak
siya ni dating Senador Ambrosio Padilla at Lourdes De Las Alas Padilla at
naging Undersecretary for External Affaris and Regulations sa Kagawaran ng
Kalusugan at PhilHealth Chief Operations Officer, Komisyoner ng Aduwana,
Katulong na Kalihim ng Lokal na Pamahalaan. Katulong na Kalihim for Legal
Affairs ng DOH, Special Prosecutor (Ombudsman) af Senior State Prosecutor
(DOJ0. Sa kolehiyo ng abogasya ng Pamantasan ng Pilipinas siya nagtapos.
Ang iba pang itinalaga ng Pangulo sa tungkulin ay sina:
- Paz Lucido as vice chairperson of the Board for Professional Teachers,
Professional Regulation Commission
- Paraluman Giron and Nora Uy as members of the Board for Professional
Teachers, Professional Regulation Commission
- Architect Augusto F. Villalon as member of the National Museum Board of
Trustees, representing the private sector
- Brando Cabalsi as Director IV of the Public-Private Partnership Center of
the Philippines, National Economic and Development Authority (NEDA)
- Abdullah Mamacotao as Director IV of the Philippine Information Agency,
Presidential Communications Operations Office
- Ma. Josefina Abilay, Tomas Brinas and Rowen Gelonga as Directors IV of the
Department of Science and Technology
- Ma. Victoria Castro as Director III of the National Security Council
- Galuasch Ballaho as member of the Regional Human Rights Commission,
Autonomous Region in Muslim Mindanao
- Maria Amihan Abueva as Philippine representative, representing Children's
Rights, ASEAN Commission on the Promotion and Protection of the Rights of
Women and Children, Department of Foreign Affairs
- Annabelle Echavez as Acting Director IV ng Department of Budget and
Management (DBM) at Mae Chua, Irene Gahid, Jesusa Dimpna Lejos, Eligio S.
Mendoza, Ruby P. Muro at Ricky Sanchez bilang Acting Directors III of the
DBM. PND (js) |
TOP |
|
|
|
|
